KOLDO MITXELENA BHI, 3B, LEKUEKO TALDEA
Aste honetan gure proiektuarekin amaitu dugu; txikien eskolara joan gara haiekin pultserak egitera eta haiei plastikoen arazoa ezagutaraztera. Ordu eta erdi inguru egon ginen beraiekin, lehenengo, arazoa azaldutzeko aurkezpen eta bideoak erabili genituen eta azkenik eskulana egin genuen.
KOLDO MITXELENA BHI, 3B, TETRA-FISH TALDEA
Azken aste honetan, jinkana prestatu genuen. Ostiraleko 12:10etan egin genuen 1DBHko, 2DBHko eta 3DBHko ikasleekin eskolako patioan. Aurreko klasearen bukaeran jaitsi ginen dena prestatzeko, eta 12:10etan klasez klase joan ginen lehengo astean atera ziren bolondresen bila. Denak behean ginenean, joku bakoitzean lau ikasle zeuden, bi jokuetan ezik, hiru ikasle zeudelako. Tetra-Fish taldeko taldekide bakoitza posta batean jarri zen. Joku bakoitza esplikatu genien eta egin zuten. Joku bakoitza bukatzean, hurrengo postara joaten ziren.
Bukatu genuenean, tetra brikak zituzten tapoiak jaso genituen, garbitzaile batek eskatu zigulako. Hauekin, gurpil-aulkian zegoen bere lagun bati lagunduko ziolako.
Sortu genuen TikTok-ean video batzuk igo ditugu egindako jokuekin.
Ez zaigu proiektu txarra iruditu, baina ez geunen kontuan hartu tetra brikak gaizki usainduko zutenik. Hau beste batean egiten badugu, leihaketa moduko bat egin beharko genuela uste dugu ikasleak gehiago motibatzeko
ARANTZAZUKO AMA 3A KUNUMI TALDEA
Aste honetan hau egin dugu:
KARTEL definitiboa egin eta zabaldu, fisikoki herrian eta ikastetxean, eta eskolako web orrian ere bai. Gelaz gela ere joan gara lehiaketaren berri emateko.
Azken tramiteak egin ditugu kultur etxeko erakusketa gela lortzeko. Erakusketa nola egin pentsatu behar dugu orain.
Partehartzeileen argazkiak inprimatzeko Pastainekin (Astigarragako argazkilaria) kontaktuan jarri gara eta baiezkoa eman digu.
4Arrauning-ekoekin harremanetan jarri gara eta bi kaiak utziko dizkigute 2.sari moduan.
Orain zain egon beharko dugu eta ahal dugun heinean jendea animatu.
ARANTZAZUKO AMA 3A SPICE GIRLS
3.SARRERA
Zuzendaritzari gutun bat bidali diogu 2.mailako ikasleekin proiektua egiteko, baino oraindik ez dugu haien erantzuna jaso.
-Interneten begiratzen egon gara errezeta berriak aurkitu ditugu gure proiektua egiteko errezeta egokiak. Errezeta berriak egiteko osagaiak biltzen hasi gara, etxean probak egiten hasteko.
ERREZETA:
Gelatinazko edalontziak:
Materiala:
Osagaiak:
Prestaketa.
Tailerrerako eguna guztiz finkatu dugu: Ekainak 3 gaztelekuan
Petritegirekin kontaktatu degu eta gurekin kolabortuko dute egingo dute, materialak tailerrerako lortzen lagunduko digute eta haien logoa bidali ziguten kartelean txertatzeko.
Jarri ditugun kartelak:
Zuzendaritzari beste gutun bat bidaldu diogu, Aurreko astean eskutitz bat bidali genien 2 DBHn tailer bat egingo genuela esanaz, baina gure proiektuaren aurkezpena egitea eta idatzitako errezeta ematea hobe litzatekeela pentsatu genuen, eta tailerra bakarrik gaztelekuan egin.
Martutenen, 2022ko maiatzaren 26ean
Zuzendaritza agurgarria:
3.A ko Janire, Laia, June; Aiora eta Alaia gara eta Ekofisheko proiektu batean gabiltza. Gure proiektua bilatzen duena plastikoaren kontsumoa murriztea eta arazoari buruz hitz egitea da. Gure bi helburu hauek betetzeko DBH2koei aurkezpen bat egitea pentsatu dugu, datorren urtean proiektu hau egiteko txanda izango dutelako eta horregatik orain ezagutarazi nahi diegu plastikoaren kontsumoaren arazo larri hau eta gure itsasoetan eta bizitzan duen eragina.
Honako hau da gure eskaera:
eskatzen dizuegu ea utziko zenigukete beraiei aurkezpena egitea klase orduren batean.
Zuen erantzunaren zain,
3Ako Janire, Laia, June, Aiora eta Alaia
2. mailakoentzat aurkezpena prestatzen hasi gara.
ARANTZAZUKO AMA 3C BOKATELA TALDEA
Aste honetan LHn aurkezpena egin genuen, eta kartela prestatu eta zabaldu ere. Gauza guztiak lotu eta ostiralean tailerra egin genuen. Jendea bildu zen eta laguntzarekin (Gariren amona etorri zen) fundak egin ahal izan genituen.
ARANTZAZUKO AMA 3C FEELING TALDEA
Aste honetan gauza asko egin ditugu:
– Alkatearekin bigarren aldiz eduki dugu bilera, data guztiak finkatzeko.
– Komunikabideei idatzi diegu gure proiektua, eta idatzitakoa Astigarragako Kronikan eta Diario Vascoan atera da (ostiralean) gure argazkiekin eta sare sozialetan gure asmoak ere zabaldu ditugu.
– Kartelak egin eta pegatu ditugu herritik eta baita eskolan ere.
– Gaur Astigarragako eskolan egon gara telazko poltsak banatzen, eta poltsekin batera jendeari ohar bat ematen diogu, hori irakurriz gure proiektua eta asmoen berri izan dezaten. Bi kartel jarri ditugu geunden tokian jendea konturatu zedin. Patioan zehar ere ibili gara, jendeari ere ahoz ere azalduz eta poltsak banatuz. Jendea hurbildu zaigu proiektuari buruz gauza gehiago galdetuz.
–50 poltsa gorde ditugu Martuteneko eskolan banatzeko, eta astelehenean egingo dugu hori.
– EITB-ko Mariak baietz esaten badigu, eta Igonek (eskolako irrati arduradunak) ere, asteartean eskolako irratian aterako gara guztioi dena azaltzen.
Arantzazukoama 3C EKOTHINGS
Azokan saldutako gauzak:
Gauza gehienak 1€/2€an jarri genituen, eta balio gehiagoko gauzak 3€tan.
– Barbie panpiñak: 8
– Brotxeak: 2
– Barbie autokarabana: 1
– Belarritakoak: 4 pare
– Sudaderak: 3
– Galtza-motzak (haurrenak): 3
– Mahai-jokuak: 2
– Panpin txikiak: 3
– Pultserak: 2
Guztira lortutako dirua 75€ izan zen. Pena izan zen arropa dexente genuela eta ezin izan genula ondo jarri jendeak ondo ikusteko. (hurrengo batean sokaren bat, edota burroren bat jartzea ondo legoke).
Atera genuen diruarekin udaletxeko proiekturen batean lagunduko dugu, txeke bat egingo dugu Udalari emateko, udalak zein proiektutan erabiliko duen informazioaren truke noski. Soberan geratutako objetuak ere nola banatu adostuko dugu udalarekin.
Azoka egiteko jasotako hainbat gauza:
Azoka eguneko argazkiak:
KOLDO MITXELENA BHI, 3B, MAXIM ANIMALS
Aste honetan proiektua amaitu dugu. Kahoot bat eginez, 35 galderekin, Koldo Mitxelenako DBH lehenengo mailara jeitsi, egoera zein den azaldu eta kahoota egin diegu. Gela bakoitzeko irabazleari saria eman diegu, kamiseta eta plastikoekin egindako panpinak (lehengo astean egindako 4 panpinak).
IRABAZLE BATZUK:
KOLDO MITXELENA BHI, 3B, UNEA TALDEA
Aste honetan, kremak egin ditugu, horretarako aurretik erosi eta lortu genituen material guztiak prestatueta taldekide baten etxean geratu ginen. Krema egin ondoren, poteetan sartu eta gure logoa duen pegatina jarri genien.
Krema pote batzuk saldu ditugu, gutxi gorabehera 6-7, familiartekoei eta baita eskolako irakasle eta gelakideei ere.
Proiektu entretenigarria izan da, eta kremak egiten eta saltzen jarraituko dugu.
KOLDO MITXELENA BHI, 3B, TETRA-FISH TALDEA
Laugarren aste honetan, tetra brick gehiago hartu ditugu, dagoeneko behar ditugunak lortu ditugu. Eskolako sarreran jarri dugun kutxan ere utzita dauden tetra brick batzuk aurkitu ditugu.
Ginkanan zein joku egingo ditugun pentsatu dugu. Eta gelaz gala joan gara eta bi bolondres hartu ditugu gela bakoitzeko. Neska bat eta mutil bat ateratzen saiatu gara, baina ezin izan dugu klase guztietan hori egin, ez zeudelako bolondresak. Hurrengo ostiralean, goizeko 12:10-etan bolondresei deituko diegu gurekin jolasak egiteko patioan.
